Hamit Altıntop: “Azərbaycan futbolunu hər fürsətdə vurğulayıram”

Türkiyə millisinin sabiq futbolçusu Hamit Altıntop Azərbaycanda işləmək istəyir.

TodayPress TV AZƏRTAC-a istinadən xəbər verir ki, bunu veteran futbolçunun özü bildirib.

Hamit Altıntop gənc futbolçuların inkişafına dəstək olmaqdan həmişə məmnun olduğunu deyib: 

“Axı biz hamımız eyni mədəniyyətin və futbol ailəsinin bir hissəsiyik. İstər Türkiyə Futbol Federasiyasında (TFF) işlədiyim vaxtlarda, istərsə də ondan sonrakı dönəmdə Azərbaycandakı futbol rəsmiləri (AFFA) ilə daim əlaqə saxlayırıq. Hazırda heç bir rəsmi əməkdaşlıq gündəmdə deyil. Ancaq Azərbaycan futboluna göstərdiyim hörməti və marağımı hər fürsətdə vurğulayıram”.

Qeyd edək ki, Hamit Altıntop Almaniya futbolunun yetirməsidir. O, bu ölkənin “Şalke” və “Bavariya” klublarında forma geyib. Altıntop, həmçinin “Real Madrid” və “Qalatasaray” klubunda da çıxış edib. Yarımmüdafiəçi Türkiyə yığmasının heyətində 82 oyuna 7 qol vurub. 

Namiq HUN

TodayPress TV