Lerikdə rabitəçini elektrik cərəyanı vurdu

Lerikdə bədbəxt hadisə nəticəsində rabitəçi ölüb.

TodayPress TV xəbər verir ki, hadisə rayonun Cəngəmiran kəndində baş verib.

"AzTelekom"un Lerik rayon şöbəsində elektrik işləyən Lerik rayon sakini 1972-ci il təvəllüdlü Sərdar Bali oğlu Həmidov Cəngəmiran kəndində təmir-bərpa işlərinə cəlb olunub.

S.Həmidov dirəkdə iş görərkən elektrik cərəyanı onu vurub. O, aldığı xəsarətlərdən hadisə yerində ölüb.

Meyit daxili və xarici müayinə olunması üçün Məhkəmə Tibbi Ekspertiza və Potoloji Anatomiya birliyinin Lənkəran rayonlararası zona mərkəzinə təhvil verilib.

Qeyd edək ki, Sərdar Həmidov 10 ildən çoxdur ki, rabitədə çalışırdı. Dünən o, 53 yaşını qeyd edib. Ailəli idi, iki övladı var.

Faktla bağlı Lerik rayon prokurorluğunda araşdırma aparılır.