Zelenski Trampa hərbi əməkdaşlıq təklifi göndərdi

Ukrayna prezidenti Volodimir Zelenski ABŞ prezidenti Donald Trampa azad ticarət sazişi və hərbi sənaye əməkdaşlığı ilə bağlı təkliflər əks olunan məktub göndərib. 

TodayPress TV xəbər verir ki, bu barədə "İnterfaks-Ukrayna" məlumat yayıb.

Kiyevin iqtisadiyyat nazirliyindən bildirilib ki, Ukrayna hələ ABŞ-nin əsas ticarət tərəfdaşı olmasa da, belə bir razılaşmada maraqlıdır. Zelenski administrasiyası G7 ölkələrinin hamısı ilə azad ticarət razılaşması bağlamaq niyyətindədir.

Qeyd edək ki, bundan əvvəl Ukrayna və ABŞ arasında investisiya fondu və yerin təki sazişi imzalanıb. Bu razılaşma ABŞ şirkətlərinə alüminium, qrafit, neft və təbii qaz ehtiyatlarının işlənməsi üçün Ukraynada layihələrə çıxış imkanı verir.

Türkan İsgəndərli