Ukrayna Rusiyaya məxsus qırıcı təyyarəni vurduğunu açıqladı

Ukrayna Hərbi Hava Qüvvələri iyunun 7-də səhər saatlarında Rusiyanın Kursk istiqamətində Rusiyaya məxsus "Su-35" tipli qırıcı təyyarəni vurduqlarını bildirib.

TodayPress TV xəbər verir ki, bu barədə Hərbi Hava Qüvvələrinin “Telegram” kanalı məlumat yayıb.

Hadisə ilə bağlı əlavə təfərrüat verilməyib. Paylaşıma təyyarənin vurulub yandığını iddia edən bir video da əlavə olunub. Lakin bu məlumatlar hələlik müstəqil mənbələr tərəfindən təsdiqlənməyib.

Ukrayna Silahlı Qüvvələrinin Baş Qərargahının məlumatına görə, bu hadisə ilə birlikdə Rusiya ordusuna məxsus müharibə başlayandan bəri məhv edilmiş döyüş təyyarələrinin sayı 414-ə çatıb. Bu barədə “Kyiv Independent” nəşri məlumat yayıb.

Töhfə Səməd