Ukrayna nümayəndə heyəti İstanbula getdi

Ukrayna nümayəndə heyəti danışıqlar aparmaq məqsədilə İstanbula gəlib. 

TodayPress TV xəbər verir ki, bu barədə məlumatı “Obshchestvennoye” nəşrinə Ukrayna Xarici İşlər Nazirliyinin nümayəndəsi Georgi Tıxı verib.

Onun sözlərinə görə, görüş bu gün günün ikinci yarısında baş tutacaq. Ukrayna nümayəndə heyətinə müdafiə naziri Rustem Umerov rəhbərlik edir.

Danışıqlardan əvvəl təhlükəsizlik tədbirləri gücləndirilib. Görüşün keçiriləcəyi binada bomba təhlükəsinə qarşı yoxlamalar aparılır.

Əraziyə xüsusi təlim keçmiş itlər cəlb olunub, binanın girişində isə turniketlər quraşdırılaraq qonaqlar ciddi şəkildə yoxlanılır.

Danışıqların gündəliyi və iştirak edən digər tərəflər barədə hələlik əlavə məlumat verilməyib.

Türkan İsgəndərli