Ukrayna Avstraliyadan ilk “Abrams” tanklarını aldı

Ukrayna Avstraliyadan ABŞ istehsalı olan ilk “M1A1 Abrams” tanklarını alıb.

TodayPress TV xəbər verir ki, bu barədə ölkənin müdafiə naziri Denis Şmıqal özünün “Telegram” kanalında məlumat verib.

“Avstraliya Ukraynaya ilk partiya “M1A1 Abrams” tanklarını təhvil verdi. Təhvil verilmiş 49 tankın əksəriyyəti artıq Ukrayna Silahlı Qüvvələrinin arsenalındadır”, - deyə nazir əlavə edib.

Şmıqalın sözlərinə görə, qalan tanklar yaxın aylarda Ukraynaya çatdırılacaq. Bu dəstək, ümumi dəyəri 1,5 milyard ABŞ dolları olan yardım paketinə daxil olan və 245 milyon dollar dəyərində olan yardım çərçivəsində həyata keçirilir.

Qeyd edək ki, Avstraliya “Abrams” tanklarını Ukraynaya göndərəcəyini hələ may ayında elan etmişdi.

Töhfə Səməd