Uitkoffun Moskvaya getmək səbəbi açıqlandı

ABŞ prezidentinin xüsusi nümayəndəsi Stiv Uitkoff bu həftə Rusiyaya səfər edəcək. Səfərin əsas məqsədi Vladimir Putini Ukraynada atəşkəsə razı salmaqdır.

TodayPress TV xəbər verir ki, “The Hill” nəşri Uitkoffun səfərinin avqustun 7-si və ya 8-nə planlaşdırıldığını yazıb.

Qəzetin məlumatına görə, əgər bu diplomatik missiya nəticə verməsə, ABŞ Prezidenti Donald Tramp Rusiya neftini idxal edən ölkələrə qarşı “ikinci dərəcəli rüsumlar” tətbiq edə bilər.

Xatırladaq ki, Tramp bu tələbi artıq irəli sürüb və münaqişənin 10–12 gün ərzində nizamlanmayacağı təqdirdə, sanksiyaların gücləndiriləcəyini bildirib. ABŞ administrasiyası Putinin mövqeyini dəyişmək üçün iqtisadi təzyiqin artırılmasına ümid edir.

Qiymət Mahir