“Türk jetləri İsrail üçün fəaliyyət göstərir” iddialarına rəsmi təkzib gəldi

Bəzi sosial media platformalarında “Türk jetləri İsraili qorumaq üçün vəzifə yerinə yetirir” kimi yayılan iddialar tamamilə dezinformasiya xarakterlidir. 

TodayPress TV xəbər verir ki, bu barədə Türkiyənin Milli Müdafiə Nazirliyi rəsmi açıqlama yayıb.

Açıqlamada bildirilib ki, Türkiyə Yaxın Şərqdə sülh və sabitliyin tərəfdarıdır və Türk Silahlı Qüvvələri bu sülhün və təhlükəsizliyin qarantıdır. Nazirlik hava məkanının hüquq və maraqlarını qorumaq üçün bütün tabe qüvvələri ilə fəaliyyətini qətiyyətlə davam etdirir.

Qeyd olunub ki, Türkiyə Yaxın Şərqdə sabitliyi təhdid edən İsrailin bütün fəaliyyətlərinə qarşıdır və bu ölkənin hər hansı düşmənçilik fəaliyyətinə dəstək verməsi əsla mümkün deyil.

Töhfə Səməd