Trampa 500 məhkəmə iddiası qaldırıldı

Donald Tramp prezidentliyə qayıtdıqdan sonra ABŞ məhkəmələri onun iştirak etdiyi işlərin 75%-də rəqiblərinin xeyrinə qərar verib.

TodayPress TV xəbər verir ki, bu barədə "The Washington Times" yazır.

Qəzetin məlumatına görə, Trampın hakimiyyətdə olduğu 6 ayda onun siyasətlərinə qarşı 500-dən çox məhkəmə iddiası qaldırılıb. Bu da hər iş günü orta hesabla 4 iddia deməkdir.

Ən çox uduzulmuş işlərdən biri administrasiyanın əcnəbi tələbələrin sənədlərindəki pozuntulara görə deportasiya cəhdləri ilə bağlı olub. Bu kateqoriyaya daxil olan işlərin 90%-i Trampın komandası üçün məğlubiyyətlə nəticələnib.

Məqalədə bildirilir ki, Trampın əleyhinə qərar verən hakimlərin əksəriyyəti keçmiş prezidentlər Barak Obama və Cozef Bayden tərəfindən təyin olunublar.

Türkan İsgəndərli