Tramp Avropa liderləri ilə danışacaq

ABŞ Prezidenti Donald Tramp avqustun 13-də Rusiya Prezidenti Vladimir Putinlə Alyaskada keçiriləcək görüşdən əvvəl Ukrayna Prezidenti Volodimir Zelenski və Avropa liderləri ilə telefon danışıqları aparmağı planlaşdırır.

TodayPress TV xəbər verir ki, bu barədə "NBC News" məlumat yayıb.

Danışıqda Trampa ABŞ-nin vitse-prezidenti Ceyms Devid Vens də qoşulacaq. Gözlənilir ki, bu zəng Zelenskinin Avropa ölkələrinin nümayəndələri, eləcə də Böyük Britaniya və Kanadanın daxil olduğu Kiyevi dəstəkləyən koalisiya ilə apardığı müzakirələrdən sonra baş tutacaq. Həmin danışıqlarda Tramp və Vens iştirak etməyəcəklər.

Xatırladaq ki, Tramp avqustun 8-də açıqlayıb ki, Putinlə avqustun 15-də Alyaskada görüşməyi gözləyir. 

Türkan İsgəndərli