Suriya İsrailə qarşı ərazi iddialarından əl çəkdi

Suriya İsraillə münasibətlərin normallaşdırılması üzrə aparılan danışıqlar zamanı artıq İsrailin 1967-ci ildə nəzarətə götürdüyü Colan Təpələrinin geri qaytarılmasını tələb etmir.

TodayPress TV xəbər verir ki, bu barədə "The Times of Israel" nəşri məlumat yayıb.

Bildirilib ki, hazırkı sülh danışıqlarında Suriyanın əsas tələbləri arasında İsrailin ölkədə hakimiyyətə gəlmiş Əhməd Əş-Şaraa başçılığındakı yeni hökuməti tanıması və yanvar ayında İsrail qüvvələrinin cənub bölgələrində nəzarətə götürdüyü ərazilərdən çıxarılması yer alır.

Bundan əlavə, Dəməşq ölkənin cənub sərhədində təhlükəsizlik tədbirlərinin dəqiq müəyyən olunmasını və ABŞ tərəfindən Suriyaya dəstək göstərilməsini tələb edir.

Töhfə Səməd