Sergey Şoyqu və Kim Çen In görüşdü

“Sergey Şoyqu KXDR Dövlət İşləri üzrə Sədri Kim Çen In tərəfindən qəbul edilib”.

TodayPress TV xəbər verir ki, bu barədə Rusiya Federasiyasının Pxenyandakı səfirliyi özünün rəsmi "Telegram" kanalında məlumat yayıb.

Bildirilib ki, görüş zamanı Ukrayna ətrafında yaranmış vəziyyət və Koreya yarımadasındakı proseslər barədə fikir mübadiləsi aparılıb. Tərəflər, həmçinin müxtəlif sahələrdə əməkdaşlıq imkanlarını müzakirə ediblər.

Görüşün dostcasına və qarşılıqlı anlayış mühiti şəraitində keçdiyi qeyd olunub.

Səfirlikdən verilən məlumata görə, görüş başa çatdıqdan sonra Sergey Şoyqu Rusiyaya geri qayıdıb.

Qeyd edək ki, Şoyqunun Pxenyana səfəri Rusiya prezidenti Vladimir Putinin tapşırığı ilə həyata keçirilib.

Qiymət Mahir