Şəkərin qiyməti son illərin ən aşağı səviyyəsinə endi

Dünya

28.10.2025 04:29

Şəkərin qiyməti son illərin minimum səviyyəsinə - təxminən 0,45 kq üçün 14,47 sentə enib.

TodayPress TV xəbər verir ki, bu barədə "Reuters" məlumat yayıb.

Bildirilib ki, bu, istehsalın sabitliyi və arıqlama preparatlarının uğuru səbəbindən qiymətlərə olan təzyiq fonunda baş verib.

Məlumata görə, qiymətlərin enməsinə səbəb olan amillərdən biri də nüfuzlu Braziliya konsaltinq şirkəti "Datagro"nun ötən həftə verdiyi proqnozdur.

Şirkət 2025/26-cı illərdə qlobal şəkər profisitini 1,98 milyon ton səviyyəsində qiymətləndirib, halbuki daha əvvəl 5 milyon tonluq defisit gözlənilirdi.

TodayPress TV


tag: Şəkər, İstehsal,Datagro, Proqnoz, todaypress.tv,