Polşa Belarusla sərhəddə tikanlı məftillər çəkir

Polşa hakimiyyəti Belarusla sərhəd keçid məntəqələrindən birində tikanlı məftillər və şlaqbaumlar quraşdırıb.

TodayPress TV xəbər verir ki, bu barədə “BelTA” agentliyi məlumat yayıb.

Qeyd olunur ki, Polşa yerli vaxtla saat 1:00-da Belarusun “Brest” keçid məntəqəsindən nəqliyyatın qəbulunu dayandırıb. Polşa təhlükəsizlik qüvvələri keçid məntəqəsində tikanlı məftillər çəkib, həmçinin metal hasar qurublar.

Qeyd edək ki, sentyabrın 9-da Polşanın daxili işlər və administrasiya naziri Marçin Kervinski qeyd edib ki, ölkə hakimiyyəti sentyabrın 12-nə keçən gecə Belarusla sərhədi müvəqqəti bağlayacaq. Buna səbəb isə Rusiya-Belarus birgə “Qərb-2025” təlimləri olub. Bununla əlaqədar Belarus hakimiyyəti dövlət sərhədindən nəqliyyatın hərəkətinin dayandırılmasına etiraz edib.

Orxan Saffari

TodayPress TV