Orban: "Ukraynanın NATO-ya üzvlüyü Üçüncü Dünya müharibəsinə səbəb ola bilər"

Macarıstanın Baş naziri Viktor Orban hesab edir ki, Ukraynanın NATO-ya üzv olması Rusiya ilə silahlı toqquşmaya və Üçüncü Dünya müharibəsinə gətirib çıxaracaq.

TodayPress TV xəbər verir ki, bu barədə o, "X" platformasında yazıb.

“Ukrayna NATO-da? Bu, Rusiya ilə müharibə və artıq növbəti gün Üçüncü Dünya müharibəsi deməkdir”, - deyə siyasətçi bildirib.

Ukraynanın Avropa İttifaqına mümkün üzvlüyü məsələsinə toxunan Orban bildirib ki, bu cür inkişaf cəbhənin Avropanın qəlbinə qədər çəkilməsi demək olacaq.

“Bu diplomatiya deyil, dəlilikdir. Barıt dolu fıçıya kibrit atmaq olmaz. Biz Avropanın döyüş meydanına çevrilməsinə imkan verməyəcəyik”, - deyə Macarıstanın Baş naziri vurğulayıb.

Töhfə Səməd