Myanmada 458 kənddə inkişaf layihələri həyata keçiriləcək

Myanmanın Kooperativlər və Kənd İnkişafı Nazirliyi 2025–2026-cı maliyyə ili ərzində ölkə üzrə 458 kənddə inkişaf layihələrinin həyata keçirilməsini planlaşdırır.

TodayPress TV xəbər verir ki, bu barədə dövlətə məxsus “Myanmar Radio and Television” məlumat yayıb.

Layihələrin ümumi büdcəsi 6,87 milyard kyat (təxminən 3,27 milyon ABŞ dolları) təşkil edir.

Nazirlik kəndlərin seçimində nəqliyyat imkanları, təhlükəsizlik durumu və digər strateji meyarları əsas götürəcək.

Məlumata görə, nazirlik 2015–2016-cı maliyyə ilindən bəri ölkə üzrə 19 mindən çox kənddə müxtəlif inkişaf layihələri reallaşdırıb. Hazırda Myanmarda ümumilikdə 63 mindən çox kənd mövcuddur və bu kəndlərin 30 faizindən çoxunda artıq layihələr həyata keçirilib.

Qiymət Mahir