Meşə yanğını Bülent Ersoyun villasına sıçradı, sənətçi təxliyə olundu
Türkiyənin Antalya şəhərindəki meşə yanğını tanınmış ifaçı Bülent Ersoyun Kundu bölgəsinin Gözəloba məhəlləsindəki villasına sıçrayıb.
TodayPress TV xəbər verir ki, bu barədə "Haber Global" məlumat yayıb.
Bildirilib ki, sənətçi tələm-tələsik təxliyə olunub.
Hadisə yerinə yanğınsöndürənlər cəlb edilib. Evə sıçrayan yanğın genişlənmədən söndürülüb.
İfaçının prodüsseri B.Ersoyun vəziyyətinin yaxşı olduğunu bildiriblər.
Qeyd edək ki, Antalyanın Aksu, Qazipaşa, Manavgat ve Muratpaşa rayonlarında meşə yanğınları bir neçə gündür davam edir.
