Lukaşenko: "Aİ-də heç kim Moldovanı istəmir"

Belarus prezidenti Aleksandr Lukaşenko Moldovanı Avropa İttifaqına daxil olmağa tələsməməyə çağırıb. 

TodayPress TV xəbər verir ki, o, bildirib ki, Aİ-də heç kim Moldovanı gözləmir və bu addımın faydalı olmayacağını düşünür.

Lukaşenko qeyd edib ki, Ukraynanın da Aİ ilə təcrübəsi müsbət olmayıb, taxıl ixracı zamanı qarşısı alınıb və Avropa ölkələri ona maneələr yaradıb. Belarus lideri hesab edir ki, Moldova da oxşar problemlərlə qarşılaşa bilər.

Minskdə keçirilən görüşdə Moldova Sosialist Partiyasının sədri, keçmiş prezident İqor Dodon da iştirak edib. Lukaşenko ona bildirib ki, Moldova xalqı üçün ən doğru yol doğma torpağa sahib çıxmaq və şərqlə, o cümlədən Belarus və Rusiya ilə əlaqələri qorumaqdır.

Türkan İsgəndərli