Alaska sahillərində gəmi yandı, ekipaj təxliyə edildi

Alaska sahillərindən təxminən 480 kilometr məsafədə yanmağa başlayan "Morning Midas" yük gəmisi ekipaj tərəfindən tərk edilib.

TodayPress TV xəbər verir ki, bu barədə gəmini idarə edən "Zodiac Maritime" şirkəti məlumat yayıb.

Gəminin təxminən 3 min nəqliyyat vasitəsi daşıdığı, onlardan 800-nün elektriklə işlədiyi bildirilib.

Yanğını söndürmək mümkün olmadığından, 22 nəfərlik heyət təhlükəsiz şəkildə təxliyə olunub.

ABŞ Sahil Mühafizəsinin məlumatına görə, hadisə yerinə bir neçə gəmi və bir təyyarə cəlb olunub. Yardım əməliyyatları davam edir.

Xatırladaq ki,Liberiya bayrağı altında üzən "Morning Midas" ötən həftə Çinin Yantai şəhərindən Meksikanın Lazaro Kardenas limanına doğru yola çıxmışdı.

Töhfə Səməd