Baş direktor: Yerli xalqların hüquqları qanunla qorunmalıdır
“Yerli xalqlarla bağlı məsələlər ən yüksək hüquqi səviyyədə tanınmalıdır”.
TodayPress TV xəbər verir ki, bunu Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində təşkil olunan “Bağlantının mərkəzində şəhərlər: Şəhərlərin yenidən qurulması və regional əməkdaşlıq” adlı xüsusi sessiyada Meksikanın Xarici İşlər Nazirliyinin Vətəndaş Cəmiyyəti Təşkilatları ilə Əlaqələr üzrə baş direktoru Mariana Posada Lombana deyib.
O bildirib ki, hökumətlər yerli xalqlarla bağlı məsələləri ən yüksək hüquqi səviyyəyə qaldırmalıdır:
“Meksikada Konstitusiyanın ikinci maddəsi yerli xalqların və afro-meksikalı icmaların muxtariyyət, öz müqəddəratını təyin etmə, ənənəvi hüquq sistemindən istifadə, torpaq mülkiyyətinə çıxış və təbii resurslardan istifadə hüquqlarını tanıyır. Yerli xalqlarla bağlı məsələlərin həlli üçün dövlət səviyyəsində xüsusi institutların yaradılması vacibdir. Meksikada fəaliyyət göstərən Yerli Xalqlar üzrə Milli İnstitut bu sahədə bütün dövlət siyasətlərinin və proqramlarının icrasına cavabdehdir. Bu institut yerli xalqların hüquqlarının təmin olunması, onların davamlı inkişafı, eləcə də mədəniyyət və kimliklərinin gücləndirilməsi istiqamətində fəaliyyət göstərir”.
Qiymət Mahir