"Yeni mənzillər üçün ildə 2 milyard xərcləyirik"
“2025-ci ildə 238 min mənzil istifadəyə verilib və biz bu rəqəmi 2030-cu ilə qədər daha 1,5 dəfə artırmağı planlaşdırırıq”.
TodayPress TV xəbər verir ki, bunu Ümumdünya Şəhərsalma Forumunun 13-cü sessiyası (WUF13) çərçivəsində keçirilən Liderlərin Bəyanatları (Leaders' Statements) mərhələsində Özbəkistan Respublikasının Prezidenti Şavkat Mirziyoyev deyib.
O bildirib ki, proqramlar üçün dövlət büdcəsindən illik 2 milyard ABŞ dolları məbləğində vəsait ayrılır ki, bu da əhalinin əlverişli mənzillərlə təmin olunmasına xidmət edir:
“2024-cü ildə qeyri-formal məskunlaşma probleminin həlli üçün xüsusi qanunlar qəbul edilib və 100 minə yaxın sakin üçün mülkiyyət hüquqlarını təsdiqləyən sənədlər rəsmiləşdirilib”.
Özbəkistan dövlət başçısı mənzil fondunun yenilənməsi və idarəetmə mexanizmlərinin təkmilləşdirilməsinə diqqət çəkib:
“Köhnəlmiş mənzil fondunun yenilənməsi məqsədilə, təmir-bərpa işləri hesabına tikilən yaşayış binalarının payının 15 faizdən 60 faizə çatdırılması nəzərdə tutulur. Eyni zamanda, urbanizasiya proseslərini daha effektiv idarə etmək üçün Milli Urbanizasiya Komitəsi təsis edilmişdir”.
Qiymət Mahir