“Qarabağ”ın böyük hesabdan sonra son ümid şansı
Bu gün UEFA Çempionlar Liqasının pley-off mərhələsinin cavab qarşılaşmalarına start veriləcək.
TodayPress TV xəbər verir ki, Azərbaycan çempionu “Qarabağ” İngiltərədə “Nyukasl Yunayted”in qonağı olacaq. Komandalar arasında Bakıda keçirilən ilk görüş İngiltərə təmsilçisinin 6:1 hesablı qələbəsi ilə yekunlaşıb.
Görüşü italiyalı hakim Davide Massa idarə edəcək. Ona yan xətt hakimləri Filippo Meli və Stefano Alassio kömək edəcəklər. Dördüncü hakim funksiyasını isə Luka Paireto yerinə yetirəcək.
“Sent Ceyms Park” stadionunda baş tutacaq “Nyukasl Yunayted” – “Qarabağ” qarşılaşması fevralın 24-dən 25-nə keçən gecə Bakı vaxtı ilə saat 00:00-da başlayacaq.
Namiq HUN