Türkiyədən Azərbaycan modeli: İndi də Özbəkistana hərbi dəstək
Türkiyə Özbəkistana məsləhətçi nümayəndə heyəti göndərib.
TodayPress TV xəbər verir ki, bu barədə Türkiyənin müdafiə naziri Yaşar Güler açıqlama verib.
Nazir bildirib ki, Azərbaycanla qarşılıqlı fəaliyyət nümunəsində Özbəkistana da general-mayor rəhbərliyində məsləhətçi nümayəndə heyəti göndərilib.
“Səmimi qəlbdən dəstəklədiyimiz qardaş və dost ölkələr bizimki kimi bir silahlı qüvvələr strukturunun qurulmasını istəyirlər. Dərin tarixi və mədəni bağlarımız olan dost və qardaş Özbəkistan ilə davam edən hərbi əməkdaşlığımız çərçivəsində, eynilə Azərbaycanda olduğu kimi, general-mayorumuzun rəhbərliyi ilə məsləhətçi nümayəndə heyəti Özbəkistana göndərilib”, - deyə Yaşar Gülər qeyd edib.