Yuxusuzluq və gecə tərləməsi risk siqnalı ola bilər

Yuxusuzluq və güclü gecə tərləməsi bəzi hallarda onkoloji xəstəliklərin əlaməti ola bilər.

TodayPress TV xəbər verir ki, bu barədə “Surrey Live” nəşrinin istinad etdiyi “Cancer Research UK” mütəxəssisləri xəbərdarlıq edib.

Bildirilib ki, bu əlamətlər stress, infeksiya, dərman qəbulu və ya hormonal dəyişikliklərlə də bağlı ola bilər. Lakin bəzi hallarda xərçəng zamanı bu simptomlar orqanizmdə zəhərlənmə, termorequlyasiya pozuntusu və hormonal balanssızlıq ilə əlaqəli olur.

Mütəxəssislər xüsusilə səbəbsiz yaranan və güclü olan gecə tərləməsinə diqqət yetirməyi tövsiyə edir. Əgər insan paltarını və ya yataq dəstini dəyişmək məcburiyyətində qalırsa, bu, xəbərdaredici siqnal ola bilər.

Həkimlər əlavə edib ki, gecə tərləməsi qızdırma, ağrı və ya ürəkbulanma kimi digər əlamətlərlə müşayiət olunarsa, daha diqqətli olmaq lazımdır.

Eyni zamanda vurğulanır ki, bu simptomların olması mütləq xərçəng demək deyil. Lakin qeyri-adi dəyişikliklər müşahidə edildikdə həkimə müraciət etmək vacibdir.

Qiymət Mahir