Alimlər: "Hormon bel ağrılarını azaltmağa kömək edə bilər"

Alimlər müəyyən edib ki, paratiroid hormonu xroniki bel ağrılarını azaltmağa kömək edə bilər.

TodayPress TV xəbər verir ki, bu barədə "Johns Hopkins" Universiteti alimlərinin araşdırmasında bildirilib və nəticələr "Bone Research" jurnalında dərc olunub.

Tədqiqat göstərib ki, bel ağrılarının əsas səbəblərindən biri zədələnmiş onurğa toxumalarında sinir liflərinin anormal artımıdır.

Alimlər müəyyən edib ki, paratiroid hormonu bu prosesi geri çevirə bilir və nəticədə ağrı azalır.

Eksperimentlər zamanı hormon verilən siçanlarda:

— onurğa toxumaları daha möhkəm olub

— ağrıya həssaslıq azalıb

— fiziki aktivlik artıb

Araşdırma, həmçinin göstərib ki, hormon Slit3 adlı zülalın yaranmasını stimullaşdırır. Bu zülal sinirlərin həddindən artıq artmasının qarşısını alır.

Alimlər qeyd edir ki, nəticələr hələ heyvanlar üzərində əldə olunub və metodun insanlarda təsdiqi üçün əlavə klinik tədqiqatlara ehtiyac var.

Bununla belə, bu kəşf gələcəkdə onurğa xəstəliklərinin müalicəsində yeni yanaşmaların əsasını qoya bilər.

Qiymət Mahir