İlham Əliyev: Bakıda qədimliklə müasirlik arasında təbii bir harmoniya var
“Bakıda qədimliklə müasirlik, tarixi irsimizin qorunub saxlanması ilə şəhərsalma və modernləşmə ehtiyacları arasında təbii bir harmoniya mövcuddur. Bu, əcdadlarımızın istedadının və bizim öz tarixi, memarlıq irsimizi necə qoruyub saxladığımızın parlaq bir sübutudur”.
TodayPress TV xəbər verir ki, bunu Ümumdünya Şəhərsalma Forumunun 13-cü sessiyasının (WUF13) rəsmi açılış mərasimində Azərbaycan Respublikasının Prezidenti İlham Əliyev deyib.
Dövlət başçısı paytaxtın unikal memarlıq quruluşuna və aparılan abadlıq işlərinin milli irslə vəhdətinə diqqət çəkib:
“Bakı şəhəri həm zəngin tarixi keçmişi, həm də sürətlə inkişaf edən müasir siması ilə şəhərsalma sahəsində xüsusi bir nümunə təşkil edir. Həyata keçirilən yeniliklər və modernləşmə layihələri paytaxtımızın qədim memarlıq toxumasına xələl gətirmədən, onun tarixi kimliyini və mədəni irsini qorumaqla paralel şəkildə aparılır”.
Qiymət Mahir