"Android 16" qlobal bazarda liderliyə yüksəldi
"Android" versiyalarının qlobal bazar payı yenidən formalaşıb.
TodayPress TV xəbər verir ki, bu barədə "StatCounter" 2026-cı ilin mart ayına olan məlumatında əks olunub.
Statistikaya görə, "Android 16" aktiv cihazların 21,61%-ni təşkil edərək liderliyə yüksəlib. Ötən ay bu göstərici 18,9% idi. "Android 15" isə 20,16% payla ikinci sıraya keçib (əvvəl 20,98%).
Digər versiyalar bazarın əhəmiyyətli hissəsini saxlayır: "Android 13" – 14,45%, "Android 14" – 13,8%, "Android 12" – 10,22%. Daha köhnə versiyalar isə hər biri 10%-dən az paya malikdir.
Yeni "Android 17" əməliyyat sisteminin 2026-cı ilin ikinci rübündə satışa çıxması gözlənilir. Ənənəvi olaraq, ilk yeniləmə "Google Pixel" cihazlarına təqdim ediləcək, digər cihazlarda isə paylanma bir ilədək davam edə bilər.
Türkan İsgəndərli