Almaniyanın hərbi güclənməsi Fransanı narahat edir
Almaniyanın yenidən silahlanması və Avropada aparıcı hərbi gücə çevrilmək istəyi Fransada narahatlıq doğurub.
TodayPress TV xəbər verir ki, bu barədə "Politico" nəşri məlumat yayıb.
Məlumata görə, Fransa Prezidenti Emmanuel Makronun iki ölkə arasında münasibətləri yaxşılaşdırmaq səylərinə baxmayaraq, Parisin müdafiə dairələrində Berlindəki niyyətlərə qarşı dərin etimadsızlıq qalmaqdadır.
“Bu, ehtiyatla qorxu arasında bir hissdir. Onlarla işləmək çətin olacaq, çünki onlar son dərəcə dominant qüvvəyə çevriləcəklər", - deyə "Politico"ya açıqlama verən fransalı hərbi rəsmilərdən biri bildirib.
Onun sözlərinə görə, Fransada Almaniyanın sənaye və iqtisadi gücü də silahlanma qədər narahatlıq doğurur.
Aysel Mətləb
