O, Azərbaycanın mənzil fondunu iki dəfə artırdı — Deputat
“Azərbaycanda şəhərsalmanın ən pik nöqtəsi Ulu Öndər Heydər Əliyevin hakimiyyətə gəlməsi ilə oldu”.
TodayPress TV xəbər verir ki, bunu Milli Məclisin deputatı Aydın Mirzəzadə “Şəhərsalmada seysmik təhlükənin və riskin qiymətləndirilməsində yeni yanaşmalar” mövzusunda konfransda deyib.
Onun sözlərinə görə, 13 il ərzində — 1969-1982-ci illərdə Azərbaycanda mənzil fondu iki dəfə artıb:
“Bu o deməkdir ki, 1969-cu ildə neçə ailənin mənzili var idisə, 1982-ci ildə artıq iki dəfə çox ailənin mənzili var idi. 250 yeni müəssisə, 6 yeni universitet açıldı. 13 il ərzində meliorasiya — kənd təsərrüfatının əsasını təşkil edən sahəyə ondan əvvəl 50 il ərzində nə qədər maliyyə imkanı yönəldilmişdisə, 13 il ərzində o qədər yönəldildi. Tamamilə yeni bir Azərbaycan yaradıldı”.
Parlamentari bildirib ki, 1975-ci ildə Azərbaycan İnşaat Mühəndisləri İnstitutunun yaradılması da Ulu Öndərin gələcəyə planlarından biri idi:
“Cənubi Qafqazda yeganə İnşaat Mühəndisləri İnstitutu məhz Azərbaycanda idi. Bu xətt indi Prezident İlham Əliyev tərəfindən çox uğurla davam etdirilir. Azərbaycanda bu gün şəhərsalma mədəniyyəti ən müasir tələblərə uyğun olaraq həyata keçirilir”.
Qiymət Mahir
