Sabiq səfir: “Azərbaycanın enerji gücü danılmazdır”

“Azərbaycanın enerji gücü danılmaz bir faktdır. Bizim burada olmağımızın səbəbi də budur”.

ABŞ-nin Azərbaycandakı keçmiş səfiri, enerji diplomatiyası və Cənubi Qafqaz üzrə ixtisaslaşmış tanınmış ekspert Metyu Brayza bunu Bakı Enerji Həftəsi çərçivəsində TodayPress TV-yə danışarkən deyib.   

Onun sözlərinə görə, Azərbaycanın Türkiyə, Gürcüstan, ABŞ və Avropa İttifaqı ilə tərəfdaşlığı ölkəyə iqtisadi möcüzə adlandırıla biləcək bir inkişaf yolu açıb. İqtisadi artımın miqyası və yoxsulluğun azalması göz qabağındadır.

“Azərbaycan öz neft və qaz ehtiyatlarından, eləcə də indi bərpa olunan enerjilərdən istifadə etməklə təhlükəsizliyini təmin edib. Gürcüstan, Türkiyə və Avropa ilə olan əlaqələrin də bunda rolu olub”.

Töhfə Səməd