Vətən müharibəsi şəhidi Cavid Cabarzadənin ailəsi ziyarət olundu

Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin İdarə Heyəti sədrinin müavini Zaur İbrahimov şəhid Cavid Cabarzadənin Suraxanı rayonunda yaşayan ailəsini ziyarət edib.

TodayPress TV xəbər verir ki, C.Cabarzadə aprel döyüşlərinin iştirakçısı olub.

Vətən müharibəsində isə Cəbrayıl, Füzuli və Xocavənd rayonlarının azadlığı uğrunda gedən döyüşlərdə iştirak edib. O, Xocavənd uğrunda gedən döyüşlər zamanı şəhidlik zirvəsinə yüksəlib. 

Prezident İlham Əliyevin Sərəncamları ilə Cavid Cabarzadə “Vətənə xidmətə görə” ordeni, həmçinin “Vətən uğrunda” və “Füzulinin azad olunmasına görə” medalları ilə təltif edilib. 

Şəhidin ailəsinə sosial ödənişlər təyin edilib və digər sosial dəstək tədbirləri həyata keçirilib. Eləcə də, şəhid ailəsi Nazirlik tərəfindən ikiotaqlı, tam təmirli mənzillə təmin olunub.

Ziyarət zamanı şəhidimizin vətənpərvərliyindən, 44 günlük Vətən müharibəsində göstərdiyi igidliklərdən bəhs edilib.

Z.İbrahimov şəhid Cavid Cabarzadənin xatirəsinin daim əziz tutulacağı, ailənin bundan sonra da dövlət qayğısı ilə əhatə olunacağını vurğulayıb.

TodayPress TV