Dünyanın ən güclü smartfonları açıqlandı

May ayı üzrə "Android" smartfonlarının performans reytinqini açıqlanıb. 

TodayPress TV xəbər verir ki, bu barədə "AnTuTu" məlumat yayıb.

Siyahının lideri "RedMagic 10S Pro+" olub. Oyun yönümlü bu model orta hesabla 2,95 milyon xal toplayıb.

İkinci və üçüncü yerləri "Vivo X200 Ultra" (2,9 milyon xal) və "iQOO Neo10 Pro+" (2,89 milyon xal) tutub. Hər ikisi də "Snapdragon 8 Elite" çipi ilə işləyir.

Dördüncü və beşinci yerdə isə "MediaTek Dimensity 9400+" prosessorlu "OnePlus Ace 5 Extreme Edition" (2,88 milyon) və "Vivo X200s" (2,87 milyon) qərarlaşıb.

Reytinqə əsasən, ilk onluqda əsasən Çin bazarı üçün istehsal olunmuş smartfonlar yer alıb. Onların bəziləri qlobal bazarda da satışa çıxarılır.

Türkan İsgəndərli