“Qarabağ” Sumanonu hədəfə aldı

Kamilo Duranı heyətinə qatan “Qarabağ” klubu daha bir hücumçunun  transferini planlaşdırır. 

TodayPress TV xəbər verir ki, Fransanın “Loryan” klubunun futbolçusu Sambu Sumano ilə danışıqlar müsbət nəticələnmək üzrədir.

24 yaşlı seneqallı futbolçu “Qarabağ”la yanaşı, “Seltik” klubunun da maraq dairəsində olub. Şotlandiyalılardan fərqli olaraq, Azərbaycan çempionu qarşı tərəflə danışıqlarda bir çox detalları razılaşdırıb.

“Qarabağ”ın UEFA Çempionlar Liqasının Liqa mərhələsinə vəsiqə qazanmağa yaxın olması da Sambunun qərarına öz təsirini göstərib. Ölkə çempionu avqustun sonuna qədər transferi rəsmiləşdirmək niyyətindədir.

Sambu Sumanonun “Loryen”lə müqavilə müddəti 2026-cı ilin yayına qədərdir.

(Futbolinfo.az)

Namiq HUN