Hyuz qardaşlarının NHL arzusu

“Vankuver Kenaks” klubunun müdafiəçisi Kvin Hyuz, qardaşı – “Nyu-Cersi Devils”in hücumçusu Cek Hyuzun gələcəkdə bir Milli Hokkey Liqası (NHL)  komandasında birlikdə oynamaq istəyinə cavab verib.

TodayPress TV xəbər verir ki, bu barədə “The Athletic” məlumat yayıb. 

Kvin Hyuz qardaşının “bir komandada oynamaq” arzusunu şərh edib:

“Axı o, mənim qardaşımdır. Nə deməli idi ki – “Onunla oynamaq istəmirəm”? Amma reallıqda hər birimizin müqaviləsi var. O başqa komandadadır. Cek və digər qardaşımız Lük Hyuzla eyni komandada oynamaq əla olardı? Əlbəttə. Fikrimcə, sizin də qardaşlarınız olsa, eyni şeyi deyərdiniz. Ancaq bizdə müqavilələr mövcuddur. Mən Vankuverdə olmaqdan məmnunam. Ötən mövsüm bir az uğursuz keçdi və burada hələ görə biləcəyim işlər var. Ceki də yaxşı tanıyıram, o da “Cersi”ni sevir və orada öz məqsədləri var”.

Qeyd edək ki, Hyuz qardaşları - Kvin, Cek və Lük - NHL-in ən istedadlı gənc hokkeyçiləri sırasında göstərilir.

Namiq HUN

TodayPress TV