WSJ: Rusiya Ukraynada yeni hədəf seçib

Rusiya Silahlı Qüvvələri Ukraynanın sərhədinə yaxın ərazilərdə “təhlükəsizlik buferi” yaratmaq məqsədilə Sumı vilayətinə doğru irəliləyir.

TodayPress TV xəbər verir ki, bu barədə məlumatı “The Wall Street Journal” qəzeti yayıb.

Nəşrin yazdığına görə, Rusiya ordusu təxminən 50 minlik qüvvəni Ukraynanın şimalında yerləşən Sumı vilayətində cəmləyib və regional paytaxtdan təqribən 20 kilometr məsafəyə qədər yaxınlaşıb. Məqalədə qeyd olunur ki, Moskvanın Ukraynadakı yeni hədəfi məhz bu şəhərdir.

Ukrayna tərəfinin məlumatına görə, Sumı istiqamətində döyüşən hər bir ukraynalı əsgərə qarşı təxminən üç rus hərbçisi çıxır. Qəzet bildirir ki, bu hücum Ukrayna ordusunun onsuz da kifayət qədər gərgin olan ehtiyatlarını daha da zəiflədir.

Qiymət Mahir