Şok iddia: ABŞ-nin İsrail hücumlarından xəbəri olub

İsrailin Baş naziri Benyamin Netanyahu bildirib ki, ABŞ prezidenti Donald Tramp İranın nüvə obyektlərinə qarşı planlaşdırılan hücum barədə əvvəlcədən məlumatlandırılıb. 

TodayPress TV xəbər verir ki, bu barədə o, “Fox News” telekanalına müsahibəsində danışıb.

“Mən prezident Trampla daimi əlaqə saxlayıram. Biz uzun illərdir bir-birimizi tanıyırıq. Təbii ki, amerikalı dostlarımızı və prezident Trampı əvvəlcədən xəbərdar etmişik. Onun bundan xəbəri var”, – deyə Netanyahu vurğulayıb.

Qeyd edək ki, iyunun 13-nə keçən gecə İsrail İranın nüvə proqramını hədəf alan hərbi əməliyyata başlayıb. Bundan 24 saat sonra İran cavab hücumuna keçib. Gərginlik iyunun 14-dən 15-nə keçən gecə də davam edib.

Türkan İsgəndərli