Rusiya səfiri Britaniya XİN-ə çağırıldı

Rusiyanın Böyük Britaniyadakı səfiri Andrey Kelin Polşa və Rumıniyada baş verən PUA insidentləri ilə bağlı Britaniya Xarici İşlər Nazirliyinə çağırılıb. 

TodayPress TV xəbər verir ki, bu barədə Britaniya Xarici İşlər Nazirliyinin bəyanatında deyilir.

"Böyük Britaniya Polşa, Rumıniya, Ukrayna və NATO-dakı müttəfiqlərimizlə tam həmrəydir və bu məsuliyyətsiz hərəkətləri birmənalı şəkildə pisləyir", - bəyanatda bildirilir.

Departament qeyd edib ki, alyans Rusiyanın hərəkətlərinə ciddi yanaşır. 

“NATO müttəfiqlərimizlə birlikdə biz şərq cinahda ən son texnologiyalardan, o cümlədən pilotsuz təyyarələrin aşkarlanması və məhv edilməsi vasitələrindən istifadə etməklə müdafiəmizi gücləndiririk”, - Britaniya Xarici İşlər Nazirliyi əlavə edib.

TodayPress TV