Lavrov Suriyalı həmkarı ilə görüşdü

Rusiyanın xarici işlər naziri Sergey Lavrov Moskvada Suriyanın xarici işlər naziri Əsəd əl-Şibani ilə görüşüb. 

TodayPress TV xəbər verir ki, bu barədə "Lenta.ru" məlumat yayıb.

Lavrov görüş zamanı bildirib ki, Rusiya dost Suriya xalqının bütün çətinlikləri dəf etməsini arzulayır. O həmçinin vurğulayıb ki, Rusiya Suriyanın keçid hökuməti ilə Türkiyədə başlayan danışıqların davam etdiriləcəyinə ümid edir.

Nazir əlavə edib ki, Moskva Suriya prezidenti Əhməd əl-Şaraanın oktyabrın 15-də keçiriləcək Rusiya–Ərəb Liqası sammitində iştirakını gözləyir.

Əsəd əl-Şibaninin Moskvaya səfəri iyulun 30-da məlum olub. O, Dəməşqdə yeni hökumət qurulduqdan sonra Rusiyaya səfər edən ən yüksək vəzifəli Suriya rəsmisidir.

Türkan İsgəndərli