Əraqçi: “Hücumlar nüvə proqramımıza daha da güc verdi”

İranın xarici işlər naziri Abbas Əraqçi bildirib ki, İsrail və ABŞ-nin İrana qarşı hərbi hücumları Tehranın nüvə proqramını inkişaf etdirmək əzmini daha da gücləndirib.

TodayPress TV xəbər verir ki, “Al Araby Al Jadeed” qəzetinə müsahibəsində Əraqçi bu aqressiyanın İran cəmiyyətində nüvə texnologiyalarına bağlılığı və qərarlılığı artırdığını deyib:

“Biz bu texnologiyalar uğrunda müharibəyə məruz qalmışıq, xalqımız illərlə sanksiyalara dözüb. Bu şərtlər altında heç kim İranda nüvə texnologiyasından imtina etməyəcək”, – deyə nazir vurğulayıb.

Nazir əlavə edib ki, Tehran bu sahədə mühüm texnoloji irəliləyişlər əldə etmək üçün ciddi səylər göstərib və ABŞ-İsrail hərbi əməliyyatları sadəcə bu iradəni gücləndirib.

Qiymət Mahir