ABŞ BRICS-i dəstəkləyən ölkələrə rüsum tətbiq edəcək

ABŞ prezidenti Donald Tramp bəyan edib ki, BRICS-in anti-Amerika siyasətini dəstəkləyən bütün ölkələrə əlavə 10%-lik ticarət tarifləri tətbiq olunacaq. 

TodayPress TV xəbər verir ki, o, bunu "Truth" sosial şəbəkəsində yazıb.

O əlavə edib ki, iyulun 7-dən ABŞ digər ölkələri onlara qarşı tətbiq edilən tariflər və ticarət şərtləri barədə məlumatlandırmağa başlayacaq.

Xatırladaq ki, aprelin 2-də Tramp xaricdən idxal mallarına “qarşılıqlı” rüsumların tətbiqi barədə sərəncam imzalayıb. Baza rüsum dərəcəsi 10% təşkil edir, lakin 57 ölkəyə ABŞ ilə olan ticarət kəsirinə görə daha yüksək tariflər (məsələn, Aİ üçün 20%) tətbiq olunub.

Qeyd edək ki, BRICS sammiti iyulun 6-dan 7-dək Rio-de-Janeyroda keçirilir.

Türkan İsgəndərli