ABŞ BCM-nin hakim və prokurorlarına qarşı sanksiya tətbiq etdi

ABŞ hökuməti Beynəlxalq Cinayət Məhkəməsinin (BCM) iki hakimi və iki prokuroruna qarşı sanksiya tətbiq edib. 

TodayPress TV xəbər verir ki, bu barədə "Reuters" məlumat yayıb. 

ABŞ dövlət katibi Marko Rubio bəyanatında bildirib ki, Beynəlxalq Cinayət Məhkəməsi Vaşinqton və Təl-Əvivə qarşı siyasi təzyiq vasitəsinə çevrilib:

“ABŞ BCM-nin siyasiləşməsinə, səlahiyyətlərdən sui-istifadəyə, milli suverenliyimizin nəzərə alınmamasına və qeyri-qanuni hüquqi təkəbbürə qarşı qəti və dəyişməz mövqe nümayiş etdirir”, - deyə Rubio açıqlayıb.

Beynəlxalq Cinayət Məhkəməsi isə cavabında sanksiyaları kəskin şəkildə tənqid edib. 

Qeyd edək ki, bu, ABŞ-nin cari il ərzində BCM-ə qarşı tətbiq etdiyi ikinci sanksiya dalğasıdır.

Töhfə Səməd