Yer kürəsində maqnit qasırğası ən yüksək səviyyəyə çatacaq

Yer kürəsində baş verən maqnit qasırğası artıq gücə görə sonuncudan əvvəlki – dördüncü səviyyəyə çatıb və yaxın saatlarda daha da güclənə bilər.

TodayPress TV xəbər verir ki, bu barədə Rusiya Elmlər Akademiyasının Kosmik Tədqiqatlar İnstitutunun Günəş astronomiyası laboratoriyasının rəhbəri Sergey Boqachev “RIA Novosti”yə bildirib.

Alimin sözlərinə görə, 1 iyun səhəri Günəşdə baş vermiş partlayış nəticəsində atılan plazma buludunun hissəcikləri Yerə çatıb. Hazırda Yer ətrafındakı plazmanın göstəriciləri qeyri-adi dərəcədə yüksək olaraq qalır.

Boqachev xəbərdarlıq edib ki, əgər plazma parametrləri yaxın vaxtlarda sürətlə azalmasa, maqnit qasırğasının gücü beşinci – ən yüksək səviyyəyə yüksələcək.

Töhfə Səməd